من اغرب الاضطرابات النفسية علي الاطلاق

  1. الرئيسيـة
  2. البلوج
  3. من اغرب الاضطرابات النفسية علي الاطلاق

من اغرب الاضطرابات النفسية علي الاطلاق

July 202017

فى سنة ٢٠٠٠ ،قعد كارل ( طلب عدم استخدام اسمه الحقيقى) فى عربيته المركونة لوحده و معاه ١٠٠ رطل من التلج الجاف . كارل جاب صندوق زبالة و حط فيه التلج الجاف و نزل رجله فيها فى التلج الى حرارته ٧٩ درجة تحت الصفر وفضل كل شوية يزود فى التلج عشان يتأكد انه فاضل مليان و قعد كده ٦ ساعات كاملة. ولأن كارل كان طالب كيميا فى الجامعة فهو كان عارف هو بيعمل ايه كويس جدا. بعد ال ٦ ساعات كارل بكل هدوء و بساطة ساق عربيته لحد غرفة الطوارئ فى المستشفى باستخدام الدراع الاوتوماتيك اللى حاطها فى العربية. وخلال كام يوم طبعا رجله بدأت تسود عشان الخلايا المجمدة ماتت و خلال شهر مكانش فى حاجة بأيد الجراحين غير انهم يقطعوا رجليه.
يا ترى كارل عمل كده ليه ؟ و هل فيه حالات تانية زيه ولاهو حالة فريدة متكررتش و غير مفسرة ؟ خاصة ان رجلين كارل كانوا سلام و مفيهمش اى عيب يدفعه لكدة .
فى الحقيقة كارل مش وحيد بل ان فيه عدد صغير من البنى ادمين بيدوروا طول الوقت على اى جراح يرضى يقطع طرف من اطرافهم السليمة الغير مصابة باى عيب . الناس دى بتعانى من ال apotemnophilia و اللى بيقولوا انهم عايزين كده عشان يحسوا انهم كاملين و هى من اغرب الاضطرابات النفسية على الاطلاق .
الاكيد ان رغم ان بعض القضايا من النوع ده بدأت تجذب انتباه الاعلام مؤخرا لكن الخبرا المتخصصين بلغوا بوجود حالات زى دى من سنة ١٨٦٠ و ده االى اكده ريتشارد برونو عالم فى علم النفسى الفسيولوچى فى نيو چيرسى و من الناس القليلة فى العالم اللى درست المرض ده بتوسع.
محدش عارف بالظبط عدد الناس دى مع ذلك فى مواقع مخصوص للناس المهووسيين بقطع طرف من اجسامهم.
برونو قسم مجتمع المهووسين ده لتلات مجموعات:
١-المدعين pretenders : و هما الناس اللى بيستخدموا الكراسى المتحركة و الركائز و العصى عشان الناس تحسبهم معاقين جسديا او عاجزين.
٢-المحبين devotees : و هما الناس اللى بينجذبوا جنسيا للناس اللى عندهم اعاقة جسدية تحديدا و غالبا بيدوروا عليهم على النت.
٣-الراغبين wannabes: و دول الاكتر جاذبية للانتباه و هما الاشخاص اللى عايزين يزيلوا اطراف سليمة. 
برونو بيقول ان اللى الناس دى محتاجاه فعلا انها تحس انها مقبولة و تحس بالحب من الناس اللى حواليها و بيضيف انه بيشعر بالاسف ناحية الناس دى و قد ايه الاضطراب د فيه اسئلة اكتر بكتير من الاجابات و ان احنا ممكن نفضل للابد منعرفش ايه السبب اللى بيخلى الناس دى تعوز تعمل حاجة زى كده

شاركونا برأيكوا فى الموضوع و لو فيه اى امراض نفسية غريبة تانية تحبوا نتكلم عنها

مشــاركة

للتعليق على المقال