13 reasons why ١٣ سبب لماذا

  1. الرئيسيـة
  2. البلوج
  3. 13 reasons why ١٣ سبب لماذا

13 reasons why ١٣ سبب لماذا

July 202017

 

 

13 reasons why ١٣ سبب لماذا
مسلسل احدث ضجة كبيرة جدا فى الفترة الاخيرة و انتشر انشار سريع و ملحوظ على كل منصات التواصل الاجتماعى. اهمية المسلسل ده و السببب الرئيسى لكل الجدال و الدربكة اللى حصلت بسببه هو ان موضوعه الاساسى هو انتحار المراهقين.
هانا بيكر هى بنت مراهقة فى الثانوية انتحرت و سابت وراها ١٣ شريط فيهم ١٣ سبب لانتحارها منهم تسلط زمايلها عليها و العزلة الاجتماعية و الاعتداء الجنسى.

الجانب الجيد :
المسلسل سلط الضوء على مشكلة مهمة جدا و فتح المجال للمراهقين و كمان الاباء و المجتمع انهم يتكلموا فى الموضوع ده و ياخدوا بالهم من تفاصيل مهمة زى اللى بيحصل لابنائهم فى المدارس من تحرش و مضايقات سواء فى الممرات او الباص او حتى بالكتابة على حيط الحمامات. ده غير ان بسبب ان المسلسل ده وصل لقدر كبير جدا من الشباب خلاهم يلاحظوا نفس علامات المرض على نفسهم و يطلبوا المساعدة و ده طبعا احسن حاجة كان السبب فيها المسلسل.

الجانب السئ :
اول حاجة لازم نعرفها ان الانتحار بالنسبة لاحصائيات مراكز محاربة الامراض هو تانى سبب لموت المراهقين من سن ٥١ ل ٢٤ سنة و تالت سبب فى موت الاطفال من سن ١٠ ل ١٤ سنة فى الولايات المتحدة.
ده غير ان البحوث اثبتت ان ٤٪‏ من الاطفال فى سن الحضانة و ٥٪‏ من اطفال المدارس و ١١٪‏ من المراهقين عندهم اكتئاب حاد بالنسبة للمعايير فى الولايات المتحدة.
اكبر سلبيات موجودة فى المسلسل كانت بتتركز فى نقتطين :
النقطة الاولى ان مكانش فيه ذكر للمرض النفسى او الاكتئاب فى اى حلقة فلو فيه متفرجين حاسين بالرغبة فى الانتحار يفهموا ان ده موت ممكن منعه و فيه طريقة ممكن يوقفوه بيها لانه فى ٩٠٪‏ من الحالات هو نتيجة لاكتئاب متعالجش او لم يتم اكتشافه من الاساس.
النقطة التانية و دى اللى لفتت انتباهنا من اول حلقة هو التعامل مع الانتحار كانه شئ حلو و انه الطريقة اللى وضحوه بيها تحلى الحوار و تسهله مش بس كده دى تبين ان ى حاجة جامدة و هتخليك محبوب و تخلى الناس يتعاطفوا معاك.

شاركونا برأيكم عن المسلسل لو شوفتوه او لو سمعتوا عنه

 

مشــاركة

للتعليق على المقال