افضل الافلام التي تناولت الامراض النفسية

  1. الرئيسيـة
  2. البلوج
  3. افضل الافلام التي تناولت الامراض النفسية

افضل الافلام التي تناولت الامراض النفسية

Aug 012017

افضل افلام تناولت الاضطرابات النفسية و العقلية

١- الطيار the aviator

الفيلم من تمثيل ليوناردو دى كابريو بيتناول حياة المخرج العظيم و الطيار هاوارد هيوز من اواخر ١٩٢٠ حتى منتصف ١٩٤٠ . هاوارد بيعانى من الوسواس القهرى او الOCD . الاعراض فى البداية بتكون الاعراض التقليدية و منها طلب زجاجات لبن مغلقة و طلب نفس الوجبة فى المطاعم و تغطية عجلة الطيارة عشان الجراثيم و انه بيشيل معاه صابونته الخاصة مع الضغط و مرور الوقت الاعراض دى بتزيد و بتتعقد فبيبدأ يردد العبارات و الافعال و بيصبح عنده روتين معين لازم يتبعه و بيعيده من الاول لو حصل اى غلط يوقفه. و تبدأ تظهر اعراض اقوى منها غسيله لايده لحد ما تنزل دم و مخاولة انه مايظهرش فى العلن و هوسه بخلق مكان خالى من الجراثيم يعيش فيه. رغم ان هاوارد كان ثروته و وضعه ملمعين حياته شوية انما الفيلم قدر يعكس الحالة و الاعراض الحساسة بشكل واقعى جدا.

٢- فتاة مقاطعة girl, interrupted

الفيلم من تمثيل وينونا رايدر و انچلينا چولى عن ما ذكرته الكاتبة سوزانا كايسين عن اقامتها لمدة ١٨ شهر فى مستشفى امراض عقلية فى الستينات.سوزانا مع الحاح والديها بتوافق انها تروح مصحة و بتشخص حالتها باضطراب الشخصية الحدية اوborderline personality disorder وهناك بيكون فيه مرضى بيعانوا من حالات تانية زى ليزا اللى بتعانى من اضطراب معادى للمجتمع اوsociopath و دايزى مع الشره المرضى اوbulimia و چورچينا و كذبها المرضى اوpathological lying . الفيلم بيوضح معركة الشخص فى اكتشاف مرضه و حالته و ان حالته مش لازم تطابق نظرة المجتمع التقليدية للمرض النفسى اللى و ضحت لما علق سائق التاكسى"well you don't look crazy بس شكلك مش مجنون " ده غير انه وضح الاحباط و التشوش الشخصى اللى بيمر بيه الشخص عشان يفهم الاضطراب فى وقت مكانش المجتمع عنده الوعى الكافى.

٣- البجعة السوداءblack swan  

الفيلم من تمثيل ناتالى بورتمان بتجسد فيه دور نينا راقصة ملتزمة بتكسب الدور الرئيسى فى رائعة تشيكوفسكى " بحيرة البجع" و مع الوقت بتلاقى صعوبة بالاحتفاظ بصحتها العقلية. نينا بتعانى من اضطرابات متعددة منها تبدد الشخصية اوdepersonalization و انفصام العقل اوdissociation و الهلوسة اوhallucinating و ممكن تكون بتعانى من الوسواس القهرى اوOCD . نينا بتكون ملائمة جدا لدور البجعة البيضاء البريئة النقية و لكن الدور بيحتاج انها تجسد البجعة السوداء العدوانية كمان وده هيحتاج انها تستمد العدوانية و المشاعر المظلمة من تحت شخصيتها الطفولية المطيعة. ود اللى بيخليها تبدأ بايذاء نفسها فى رحلة غريبة من الواقع لخيال المرض و الفيلم وضح اللى بيمر بيه الفنان المؤدى عامة و الراقص الكلاسيكى بوجه خاص من الصراعات النفسية الناتجة عن المنافسة الى مبتنتهيش و دفع الشخص لنفسه عقليا و جسديا ود اللى وضحته الدراسات عن الرقص الكلاسيكى.

 ٤- جزيرة شاترshutter island

الفيلم تانى من تمثيل ليوناردو دى كابريو اللى بيبرع فى تجسيد الصراع النفسى بيلعب فيه دور مشير سنة ١٩٥٤ بيحقق فى قضية اختفاء قاتلة من مستشفى للمجانين جنائيا. و اللى فيها بيعانى من فقدان الذاكرة الانفصالى اوdissociative amnesia الناتج عن صدمة و من الهلوسة و الاوهام اوdelusional . فى البداية بنجد نفسنا نشاهد تحيق فى اختفاء بيتحول بعد فترة لمحاولة لكشف الفساد و التعذيب اللى بيحصل فى الجزيرة لنكتشف ان الباحث هو المريض نفسه بعد ما وجد مراته فى يوم من الايام قتلت اولادهم التلاتة فقتلها ليتكون لديه المرض النفسى الغير شائع اضطراب الوهمية اوdelusional disorder و اللى بينت الدراسات ان اشخصية ممكن تحافظ على سلامة و صحة تفكيرها و تصاب بالحالة دى و ان شخصية الفيلم مناسة جدا للاصابة بيها. نحب نعرف ايه رأيكم فى الافلام دى و الحالات اللى احتوتها و ايه الافلام اللى شايفين انها نجحت فى فهم المرض النفسى.


مشــاركة

للتعليق على المقال