؟Insecurity انت عندك

  1. الرئيسيـة
  2. البلوج
  3. ؟Insecurity انت عندك

؟Insecurity انت عندك

Aug 072017

لو دايما بتقلل من قدرات  نفسك، دايما حاسس انك مقصر و مش قد المسوؤليه أو دايما متخيل انك لوحدك مش كفايه لحد او لحاجه و ثقتك بنفسك و بالحواليك مهزوزه لدرجه انه مأثر علي شغلك و علاقاتك بالناس الي حواليك و بقي هاجس متلازم معاك في كل مكان يبقي انت عندك  "insecurity" انعدام الشعور بالامان و هو مش مجرد احساس بينتهي بتشجيع او دعم  للاسف هو تأثيره السلبي كبير لدرجه انه ممكن يمنعك من انك تتقدم في حياتك بشكل عام و اسبابه متعدده؛ ممكن تكون مريت بتجربه خلتك تفقد الثقه في نفسك و في الناس او شفت حد عزيز عليك مرً بتجربه صعبه سببتلك عقده او خوف و شيء اساسي البيت الي بتكبر فيه و الناس الي بتتعامل معاهم من اهم العوامل الي ممكن تزيد او تقلل المشكله دي عندك، لو حد فِضل طول الوقت ينتقدك او ينتقد عيوبك حتي لو بنيه النصيحه فدا ممكن بشكل لا ارادي يصحي فيك الهاجس دا و خصوصا لو انت اصلا شخص مهزوز و ثقتك بنفسك مهزوزه، انت متخيل كمان ان المدح المبالغ فيه ( المجامله ) ليها دور في زرع الشعور دا فيك لان ببساطه المجاملات المبالغ فيها غير واقعيه و بالتالي الشخص بيستقبلها بشكل سلبي لانه بيتخيل انه اقل بكتير من المستوى الطبيعي لدرجه ان الناس مضطره تجامله عشان متجرحش شعوره. 

الدراسات اثبتت ان تأسيس بيت صحي و توفير بيئه مناسبه لتربيه الطفل فن و دراسه و عشان تقدر تربي طفل نفسيته سويه مش حاجه سهله بس برده مش حاجه مستحيله و مرحله الطفوله هي البدايه لكل حاجه و هي اساس الشخصيه 

مهم جدا انك تعرف ان من اهم وسائل الحمايه من اي مرض نفسي بتبدأ بالتواصل و التحاور. 

اذا كنت حاسس ان عندك الاعراض دي متتردتش في انك تحاول تعالج المشكله  ، حاول ترد الضربه و تخليها سبب في نجاحك و تطورك.

مشــاركة

للتعليق على المقال