ضبط شغلك نفسيا

  1. الرئيسيـة
  2. البلوج
  3. ضبط شغلك نفسيا

ضبط شغلك نفسيا

00 000000

تعرف ان اكثر الاسباب الي ممكن تخليك مش مرتاح في محيط شغلك هي اسباب نفسيه و دا لان الجوانب المعنويه و النفسيه مش بتاخد حجم الاهتمام الي تستحقه زي الجوانب الماديه او الاستراتيجيه... 

بالرغم ان البيئه الي عاده بتتبع اسس معنويه و نفسيه سليمه بتكون من اكثر البيئات المحفزه الي بتمد طاقات ايجابيه بتحث علي العمل. 

تخيل لو مكان شغلك بيهتم بالاستشارات النفسيه و الجوانب المعنويه و بياخدها بعين الاعتبار بحيث يغير كل السلبيات الي ممكن تخليك تفقد شهيه العمل.

زي انه يكون مكان يخليك تطور من نفسك عن طريق "flow experience" "تدفق الخبره" بمعنى انه يكلفك بمهام مختلفه و متنوعه عشان تقدر تتعلم و تتوسع، لان ببساطه المكان الي هيخليك واقف مكانك من غير اي تطور هيسلب منك الحافز و الحماس وقتها هتحس ان وقتك بيضيع هباء، او انه يكون مكان بيوفرلك الاستقلاليه؛ ساعتها هتعرف الفرق بين الدعم و التحكم و ان في فرق كبير بين انك تتعلم من اخطائك و انك تدفع ثمنها، او تخيل انه ببساطه يكون مكان بيقدر مجهودك و بيكافأ ابداعك؛ ساعتها مش هتستخسر وقتك فيه و هيبقى دايما عندك الدافع الي يخليك تبتكر، انه يكون مكان مش بستنزف طاقه و وقت الموظف بدون مقابل او انه يسلب منه حياته الاجتماعيه و يقطع اتصالاته بالعام الخارجي، بالعكس التوازن بين الحياه العمليه و الاجتماعيه للموظف المفروض تكون من اهم اولويات الموؤسسه او الشركه عشان دي بتكون فرصته لتجديد طاقته و استدراك ابداعه. 

كل دي دوافع معنويه من غير اي ماديات فلو ان بيئه العمل بتسلط الضوء علي الجوانب دي و بتهتم بيها بالقدر الكافي اكيد مش هيكون الشغل بالنسبالك اسوأ مكان في العالم و اكيد مش هيكون السبب الاساسي للضغوطات النفسيه او الاضطرابات.

مشــاركة

للتعليق على المقال