انت مؤيد ولا متمرد

  1. الرئيسيـة
  2. البلوج
  3. انت مؤيد ولا متمرد

انت مؤيد ولا متمرد

Aug 072017

الكاتبه الامريكيه Gretchen rubin، ألفت كتاب بعنوان Four tendencies الميول/الاتجهات الاربعه، صنفت فيه الشخصيات لاربع هاويات مختلفه؛ كل شخصيه بتميل لهاويه معينه من الاربعه و كل هاويه ليها سمات مختلفه، ناقشتهم بشكل مُفصل من حيث وصفهم، توقعاتها لاختيارتهم و ميولهم و ردود افعالهم حتى انها قدمت نصائح للتعامل معاهم و معالجه اخطائهم. 

اكدت جريتشن على خفيه الهاويات؛ بمعنى انها بتبرز و بتظهر اكثر في  مواقف و قرارات معينه و اكدت كمان انها بتبقي مسوؤله عن كتير من اختيارات الشخص و قناعاته.

المؤيد/upholder: شخص متقبل للاوضاع، بيستقبل كل الوقائع و الالتزامات بصدر رحب، ملتزم، بيحترم القوانين و بيتبعها. 

المتمرد/rebel: هو العكس تمام للشخص المؤيد لانه دايما متذمر، معارض للقوانين و عاشق للحريه، صوته من نفسه و لا يخضع للسيطره او الالتزامات. 

المحقق/questioner: دايما متسائل، بيسئل عن ادق التفاصيل لكن مش فضول قد ما هو توضيح للصوره و فهم لكل وجهات النظر الممكنه و يا إما يقتنع يا إما لاء. 

الملزم/obliger:عايش علي ارضاء الاخرين، ملزم دايما بتوقعات الناس و ظروفه مبنيه علي ظروف الناس، غيري تماما (selfless). 

بعد ما جريتشن اكدت علي اهميه الميول دي و ان معرفتها و فهمها بيسهل التعامل بين الناس و احتوائهم لبعض عملت اختبار Quize عشان تساعد بيه الناس انهم يعرفوا هما بينتموا لاي هاويه فيقدرو يفهموا نفسهم و يفهمو الي حواليهم. 

اذا حبيت تعرف انت بتنتمي لاي هاويه جاوب علي الاسئله الي موجوده في الاختبار و افهم نفسك اكتر.

http://www.surveygizmo.com/s3/3163256/Gretchen-Rubin-s-Quiz-The-Four-Tendencies-Fall2016

مشــاركة

للتعليق على المقال