الندم مفيد ولا مضر

  1. الرئيسيـة
  2. البلوج
  3. الندم مفيد ولا مضر

الندم مفيد ولا مضر

Aug 152017

الندم مفيد ولا مضر

على عكس كتير من اعتقادتنا، احساسك بالندم تجاه فعل/خطوه غير مدروسه و كانت عواقبها قاسيه ما هو الا قوه دفاعيه تصحيحيه لموقف ايجابي مستقبلي متشابه؛ يعني تأنيب ضميرك لموقف في مرحله من حياتك بيخليك تتجنب  تكرار الخطأ في مواقف مماثله. 

و بالتالي النصيحه المألوفه او المعتاده "متندمش على حاجه" نصيحه غير مجديه لان الندم هو حزن و الحزن من اكثر المسببات للآلم المعنوي للشخص فهو منبه لكل مره تتقرب فيها لنفس الغلط.

الندم بيختلف اسبابه من شخص للتاني لكن هو بيتجسد في هيئتين مختلفتين؛ لكن في كلتى الحالتين هو قوه و ليس ضعف.

١- Action-regret: و هو الندم او تأنيب الضمير الناتج عن قرار/ فعل غير مناسب و نواتجه سلبيه على صاحب الفعل او على مجتمع/فئه/شخص غير صاحب الفعل،  فهو احساس بالمسوؤليه و ادراك للامر الواقع و تقبل العواقب و طبعا عدم تكرار الغلط. 

٢- Inaction-regret: الندم على عدم فعل شيء/ السلبيه/التبلد(passive) و اللي في اغلب الاحيان بيكون سبب في الخساره او ضياع فرصه قيمه او شيء مهم. 

هنا احتماليه تقبل الواقع بتكون شبه مستحيله للشخص و دا بسبب احساسه بالتكتف و التقصير على عكس الaction regret و اللي هو بسبب قناعه شخص ما بقرار ما و اكتشافه فيما بعد باختياره الغير مناسب و كانت نتيجه الاعترافات اللي قدمها بعض الاشخاص في اخر لحظات حياتهم عن ندمهم لسلبيتهم في مواقف كتير زي

عدم اعترافهم بمشاعرهم تجاه اشخاص اتمنوهم بسبب اوهام مدفونه في عقلهم الباطن.

عدم الرضا المهني و دا لامتناعهم عن المجازفه بتجربه جديده او مختلفه عن المعتاد.

عدم التواجد بشكل كافي مع الاصحاب او العيله لمجرد اعتقادهم ان الوقت من الاولى استثماره في الشغل.

ان اغلب الاعترافات من النوع التاني من الندم و اللي ممكن يدوم سنوات بأختلاف النوع الاول اللي بيستمر فتره بسيطه

بس كمان اكدت ان الندم في حد ذاته احساس مفيد مش مضر لانه بيعلم الشخص التفكير بعمق و بيتوسع في نظره الشخص لاحتماليات و نواتج مختلفه للمواقف.

 

الخلاصه هنا؛ اذا انت شخص متسرع في قراراتك او سلبي في المواقف فالنتيجه واحده بس انك تحاول تتجنب الاخطاء دا شيء منطقي جدا لكن مستحيل انك تعيش حياه خاليه من القرارات الغير مناسبه، دراستك للموقف شيء مهم و هيوسع نظرتك لجوانب جديده هتساعدك تحدد موقفك و في الاول و الاخر احساسك بالندم علي حاجات كتير عملتها او معملتهاش هو السبب في انك متكررش اخطائك. 


مشــاركة

للتعليق على المقال