مرض الجمال

  1. الرئيسيـة
  2. البلوج
  3. مرض الجمال

مرض الجمال

Aug 152017

مرض الجمال

شعور بيسيطر على كثير مننا، اطلقت عليه الكاتبه 

Rene Engleh

 beauty sickness; مرض الجمال.

انهاك ذهن الشخص بتفكيره في شكله/ مظهره بشكل مبالغ فيه لدرجه استنزافه لوقته و مجهوده، او انه يخسره و يفقده نظرته للقيم و المباديء التانيه على قناعه ان المظهر هو الاهم لجذب الطرف الثاني. صحيح ان المظهر جانب مهم لكن مواقع التواصل الاجتماعي( الفيس بوك و الانستجرام ) رفعت سقف التوقعات لمعايير الجمال الاقرب للكمال و دا سبب كافي لتفتيت ثقه البنت في نفسها الا ان الحل دايما الموجود.

اقترحت Rene شويه افكار ممكن تساعد الشخص يتغلب بيها على التفكير دا؛

اكتب قائمه بأهم الحاجات في حياتك؛ شغلك، بيتك، صحابك! و اهدافك و الاهم من دا كله الشخص الي بتطمح تكونه و دايما خليها قدامك؛ تركيزك على القائمه دي هيأكدلك ان وقتك و مجهودك مش لشكلك و ان دايما في حاجات اولى بيهم.

الرضا النفسي بالجوانب الايجابيه او المميزات، لازم تقتنع دايما ان زي ما الوحش موجود الحلو كمان موجود و ان فيك شيء دايما مرغوب، حاجه بتميزك و بتخليك الشخص الي انت عليه. 

ادي لنفسك راحه من كل مواقع التواصل الاجتماعي لان الدراسات اثبتت ان المواقع دي هي السبب الرئيسي لحالات اكتئاب و عدم اكتفاء ذاتي لفئه كبيره من البنات؛ وقت مستقطع منها ممكن يكون حل مؤقت بس فعال تسترد فيه مبادئك و اقتناعاتك. 

الوقت و المجهود الضايع في التفكير و عدم الرضا ممكن تستثمره في التفكير برده بس بطريقه ايجابه مش بس في الجوانب الايجابيه الموجوده لا، كمان التطوير من الجوانب السلبيه و ازاي تقدر تقلل منها بقدر الامكان. 

افتكر دايما ان المعايير الي غيرتها مواقع التواصل معايير غير واقعيه و ان مقياس الجمال احيانا بيبدأ بالشكل بس دايما بيدوم بالروح.


مشــاركة

للتعليق على المقال