الاختلاط

  1. الرئيسيـة
  2. البلوج
  3. الاختلاط

الاختلاط

Aug 202017

الاختلاط 

الاختلاط بالناس في كثير من الاحيان ممكن يدفع الشخص للجنون، بسبب اختلاف الاراء، خيبه الامل، التحدي، الجدال، سوء التفاهم و حاجات تانيه كتير ممكن تخليك تفضّل العزله و خصوصا عند زياده الضغوطات.

بمجرد الاعتزال للناس الشخص بيبدا يستجم بالوحده و الهدوء و السكون و بيبدا يكتشف ان العزله و الخلوه افضل بكتير من الاختلاط بالناس لانهم بالوحده بيحولو يتجنبوا الضغوطات و المحاولات الفاشله في تغير الاوضاع و تجاهل العالم المزعج المثير للاعصاب.

كتير مننا بيقرا على مواقع التواصل الاجتماعي قد ايه الموضوع ممتع بمجرد ان الشخص ينعزل عن العالم و يعيش في قوقعه من الهدوء و صفاء الذهن بس الحقيقه ان الاستمتاع و الاعتياد على الاهمال و الوحده و ان الاختلاط بالمجتمع و الناس بقي مجرد تأديه واجب و شيء غير مرغوب فيه دي بدايه مراحل اكتئاب و للاسف مش بتزول مع الوقت بالعكس هتبدأ المشكله بالتسلل لتفاصيل حياتك لانك هتستمتع بالحاله المسترخيه و الهدوء لكن لما تبدأ تمارس حياتك اليوميه  هتحس ان كل حاجه بتعملها و انت متخفي ورا قناع مزيف و هتصطنع الاندماج و الوقت هيمر ببطء، كل حاجه هتبقي عديمه القيمه و ابسط المهام هتبقي بنسبالك حمل و هم،

هتفضل تلف في دايره فارغه، و ايامك كلها هتكون متشابها و مع مرور الوقت هتفقد علاقاتك و اصدقائك و هتدمر دايره معارفك و فعلياً هتوصل لمرحله الوحده، لكن مش هتقدر تستمر فيها كتير لان طبيعه البشر بتقوم على التواصل و الاختلاط بالناس و هيكون قدامك اختيارين؛ يا تحاول تسترد طاقاتك الايجابيه و حياتك الطبيعيه، يا هتكمل في طريق الوحده!!

الناس محتاجه تستوعب ان الحياه مش مستقره و لا دايمه على وتيره واحده و ان زي ما في سعاده في حزن، و ان زي ما في ايام حلوه كمان في ايام وحشه، الاختلافات و الضغوطات جانب اساسي من جوانب الحياه الكتيره و المختلفه و الاشخاص اللي بنقابلها كل يوم؛ منهم الدرس و منهم اللي بيكون جزء من حياتنا و لان الحياه صفقه يا تقبلها بحلوها و مرها يا ترفضها برده بحلوها و مرها. 


مشــاركة

للتعليق على المقال