طلاق الصدمة

  1. الرئيسيـة
  2. البلوج
  3. طلاق الصدمة

طلاق الصدمة

July 202017

 

 

طلاق الصدمة

توقعاتنا لحياتنا بعد الجواز بتبقى اكبر بكتير من اللى ممكن يحصل فى الحقيقة بنكون متخيلين ان اى مشكلة هتمر مرور الكرام و اننا هنغنى الحياة بقى لونها بمبى ٨٢ ساعة فى ال ٢٤ ساعة. غالبا ده بسبب ان كل الافلام و المسلسلات بتنتهى ان البطل و البطلة ييتجوزوا و يعيشوا نهاية سعيدة happily ever after .
خاصة البنات اللى بيتربوا على ان هدف حياتهم هو الجواز و ان بكده يكونوا وصلوا لكل اللى عايزينه و الحياة اخيرا هتبقى احسن هسافر و افرح و البس و احب و هنا توقعاتهم دى بتتقابل بخيبة امل رهيبة لان سقف الطموحات و الاوهام الغير مبررة و اللى ملهاش اى ترابط مع الواقع بيتقابل بالواقع اللى محتاج بعض التضحيات و التفهم و النقاش و خيبات المل فى بعض الاحيان.
اولا لازم نعرف ان احيانا هتضطروا تقفوا لبعض ومع بعض اى احيانا لازم تتمسكوا ببعض فى مواجهة الدنيا اللى مش دايما هتكون ماشية على هواكوا و احيانا لازم تتمسكوا بمبادئكم و احلامكم فى مواجهة بعض لان برده ارائكم و رغباتكم مش دايما هتكون متماشية .
و هنا دور انك تعرف الشخص كويس قبل الارتباط الرسمى بيبان. متخافش تتكلم فى احلامك و توقعاتك و ايه اللى انت عايزه من العلاقة دى و ايه اللى متقدرش تيجى عليه و تفاهم مع الشخص اللى قدامك و اسمعه كويس و افهم ايه بيضايقه و ايه توقعاته و ايه اللى يقدر يقدمه و شوف ده هيتناسب مع اللى انت عايزه و الى تقدر تقدمه فى العلاقة برده ولا لا.
الحياة اكتر تعقيدا من الافلام و بتحتاج مجهود و استعداد نفسى لخلق حياة زوجية سوية و صحية .
شاركونا برأيكم.


مشــاركة

للتعليق على المقال