إزاي اوقات الفراغ ممكن تدمرنا بالبطيء

  1. الرئيسيـة
  2. البلوج
  3. إزاي اوقات الفراغ ممكن تدمرنا بالبطيء

إزاي اوقات الفراغ ممكن تدمرنا بالبطيء

Aug 282017

 إزاي اوقات الفراغ ممكن تدمرنا بالبطيء 

 

 

 

الناس ممكن تتخيل ان الشخص المشغول؛ اللي وقته مزحوم بمسوؤليات البيت و الشغل و الدراسه و غيره شخص مش عايش حياته، وان حياته ضايعه هباء و ان الشخص المتفرغ فرصته في الاستمتاع بالحياه اكبر بكتير!

احنا اكيد متفقين ان المسوؤليات الكتيره المستمره ممكن تسبب ضغوطات نفسيه و ان شويه حريه و انطلاق كل حين و مين شيء مهم عشان الشخص يقدر يجدد طاقاته،

 

 

 

لكن معيار المتعه عمره ما كان بالكم، عمر المتعه ما كانت بالحريه المفرطه، بالتخلي عن الالتزامات و المسوؤليات اللي ممكن تسبب فراغ في حياه الشخص!

اللي كتير مننا ميعرفوش ان الفراغ شيء مضر مش شيء ممتع، و ان الشخص المتفرغ فرصته في التعرض للامراض النفسيه و الاكتئاب اكبر بكتير؛ الفراغ بيدي فرصه للشخص للادمان في استخدامه لكل شيء،

للتدقيق في تفاصيل و ملامح الحياه، في الوحش قبل الحلو، بيخلقله الجو المناسب للانغماس في التفاصيل

بيبقى عنده الوقت للتحليل و التفكير و التركيز و التطفل و الانتظار، بيبدا يفرط في استخداماته؛ يفرط في استخدام مواقع التواصل الاجتماعي و اللي ممكن تكون سبب في اضطراب تفكير الشخص و تخريب المعايير الطبيعيه للعقل البشري!

يفرط في علاقاته و الاندماج الزايد عن حده و لان الحياه مش دايمه على وضع واحد، بانشغالهم في مسوؤلياتهم الخاصه دا ممكن يسبب له الخذلان.

يفرط في الوحده و اللي اكيد هتكون سبب من اسباب الارق و الزهق و الاكتئاب.

يفرط في التعود على عاده ممكن في يوم يضطر للتخلي عنها.

يفرط في انتظاره لشيء ممكن يدمره و يدمر حياته.

الشيء اللي يزيد عن حده ينقلب ضده، دا مثل بيأكد على الاعتدال و الوسطيه في كل شيء، الاعتدال في الحريه، الاعتدال في الشغل، الاعتدال في الاندماج...

الحقيقه ان استغلال الوقت و استثمار اوقات الفراغ متعه في حد ذاتها، وقايه من الوحده و الادمان و التفكير و الانتظار؛ الانتظار اللي حقيقي ممكن يضيع عمر.

اذا كنت شخص بتعاني من الفراغ، حاول تستغل الوقت الفاضي بشيء تقدر تضيفه لنفسك.

 
 

مشــاركة

للتعليق على المقال