Bipolar Mood disorder الهوس الاكتئابى

  1. الرئيسيـة
  2. البلوج
  3. Bipolar Mood disorder الهوس الاكتئابى

Bipolar Mood disorder الهوس الاكتئابى

Aug 292017

 اضطراب ثنائى القطب

 

 

 

 

‎مرض المبدعين و العلماء و الفنانيين

Bipolar Mood disorder او ما يسمى بالهوس الاكتئابى 
‎الشخص اللى بيعانى من المرض دا بيكون عنده تقلبات مزاجيه حاده يعنى مثلا بيشعر بحزن شديد جدا فجأه دون أى مبرر و بيحس انه عنده هبوط فى الهمه و النشاط و فجأه ممكن يشعر بسعاده و بهجه مفرطه برضو دون مبرر و أوقات بينتاب الشخص الشعورين مع بعض و دى بتكون أصعب لحظات المرض
‎يعنى مثلا ممكن يكون قاعد بيهزر و بيضحك فجأه ينتابه شعور بالقلق الشديد او العكس ! تغيرات حاده فى المزاج بتحصل بين لحظه و التانيه و طبعا الي عنده المرض دا بيدمر كل العلاقات الاجتماعية و بيميل للعزله لأنه بيلاقى فيها راحته و احيانا اخرى بيتعب منها
‎و اغلب الناس الي عندهم المرض دا ان لم يكن كلهم بيعانوا من الحساسيه المفرطه و بيكونوا على درجه عاليه من الذكاء و كمان عندهم شفافيه عاليه جدا 
‎اما بالنسبه لأسبابه ف الطب النفسي موصلش لسبب محتم 
‎يعنى فى دراسات و ابحاث بتقول انه بالوراثه بينما ابحاث اخرى بتقول ان الوراثه ملهاش دخل و انه بيجى للشخص عن طريق الصدمات البيتعرض ليها فى الحياه.

 

 

 

 

‎علاجه لازم يكون مع طبيب نفسي ولكن فى بعض الفنانين البتعانى منه بيّفضّلوا انهم يعيشوا بيه او يتعايشوا معاه 
‎ازاى ؟من وجه نظرهم ان الالم اللى بيشعروا بيه هو الي بيولد الابداع سواء فى رسم ,كتابه او اى حاجه ليها علاقه بالفن و مؤمنين جداً بالمقوله اللى بتقول ( الابداع يولد من رحم الألم ) ف المرض ده بالنسبه لهم رأس مالهم بس للاسف فى منهم انتحر فى النهايه زى مثلا فان جوخ عانا من المرض و لكن كان مصدر الهام له و جسده فى العديد من لوحاته و هى دلوقتى من اشهر اللوحات فى التاريخ

 
 

مشــاركة

للتعليق على المقال