DID Dissociative identity disorder

  1. الرئيسيـة
  2. البلوج
  3. DID Dissociative identity disorder

DID Dissociative identity disorder

Nov 012017

 Split فيلم

الفيلم الحلزوني، بعيدا عن النهايه الغير واقعيه للفيلم اللي ملهاش اي اساس علمي يستند عليه و شويه الخيالات اللي بتحصل في احداثه لكن الفيلم سلط الضوء على مرض موجود بالفعل؛

تعدد الشخصيات  DID Dissociative identity disorder
كيفن ويندل شخص متعدد الشخصيات بس مش شخصيه او اتنين دول 23 شخصيه و احتماليه لوجود ال 24 و طبعا دا رقم كبير جدا لكن الحقيقه ان هو رقم بسيط مقارنه باحتماليات المرض دا لان الدراسات اثبتت ان المرض دا على قد ما هو غير منتشر الا ان الحالات اللي بتتشخص بتكون معقدة لدرجه انها ممكن توصل 100 شخصية و ان متوسط الشخصيات بيكون من 13 ل 14 شخصية في جسد واحد. 
الفيلم قدر يبسطلنا فكرة المرض دا و ان كل شخصيه بيكون ليها سماتها و صفاتها الخاصة و ان عدم استقرار طفولة كيفن بسبب والدتة اللي كانت بتعاني من الوسواس القهري كان العامل الاساسي في تعدد شخصياته. اغلب الامراض النفسيه بتكون اسبابها عدم الاستقرار في مرحله الطفوله يعني مرور الطفل بصدمات كبيره او انه يكون اتعرض للاساءات اللفظيه او الجسدية او انها تكون وراثيه فمن اسباب المرض دا هو ان الشخص يكون خاض تجارب سيئة و مفجعه.
مش هننسى جزء مهم في الفيلم و هو تواصل الشخصيات مع بعضها بس الحقيقه ان المريض مش بيقدر يوصل الاحداث ببعضها في اغلب الحالات لكن كمان بعض الدراسات اكدت ان نسبه بسيطه جدا بيبقى عندهم ادراك بالاحداث و الشخصيات.
طبعا اعراض المرض دا كتيرة و اكيد بيكون ليها تاثير على حياه المريض بشكل سلبي لانها بتسلب منه حياته و علاقاته و بتخليه غير مستقر و في حاله تواهان اغلب الاوقات اصل تخيل تصحى من النوم تلاقي نفسك في مكان انت مش فاكر و عارف انت جيت امتى و ازاي، اكيد الوضع هيكون صعب.
محدش سمع عن علاج دايم بس اشهر الحلات اللي اتشخصت اكدت ان علاجهم الدايم هو التعود على وجوده.

مشــاركة

للتعليق على المقال