العنف ضد المرأه

  1. الرئيسيـة
  2. البلوج
  3. العنف ضد المرأه

العنف ضد المرأه

Dec 112017

مأساه من مأسي المجتمعات مش بس العربيه بس كمان الغربيه.
ظاهرة العنف بس مش بشكل عام، العنف ضد المرأه بالاخص، ظاهرة موجوده و بتتنقل من جيل للتاني بعيدا بقى عن عصر الانفتاح و الحريه و التطور لان العنف ضد النساء عمره ما كان مربوط بالغيره او التحكم او العصبيه هو موجود لان فكره المرأه كائن ضعيف وخاضع بتسمح بتسلل افكار شاذه و متخلفه دا بدون ما نتطرق للمرض النفسي اللي بيعاني منه الشخص اللي بيستخدم العنف مع الزوجه كوسيله ترهيب من الاساس!
النقطه المهمه هنا هو ان العنف مبيبقاش بس جسدي و اللي هو متعارف عليه بشكل اكبر، ممكن يبقي اسائه لفظيه (معنويه) بعبارات او كلام جارح، جنسي حتى بين الزوج و الزوجه.. دا غير القضايا الغريبه اللي كتير من المحافظات و المجتمعات بتعتبرها عادات او اعراف زي الوأد و الختان و الجواز بالاكراه، كل دا بيتصنف عنف ضد المرأه.
من غير ما ننسى الجانب النفسي للمرأه اللي بتتعرض لاي اساءه سواء من الاب، الاخ او الزوج، بديهي جدا انه يكون مشوه و مع ذلك المجتمعات دي مش بتعترف بحاجه اسمها جانب نفسي اساساً و عشان كدا العائلات و المناطق القائمه علي الاسس الرجعية دي بتنتشر فيها الجرايم و حالات الانتحار.
لو فيه اي واحدة اتعرضت او بتتعرض لأي نوع من انواع العنف ياريت تبعتلنا, هنحاول نساعدها
 

مشــاركة

للتعليق على المقال