الإدمان اضطراب سلوكي

  1. الرئيسيـة
  2. البلوج
  3. الإدمان اضطراب سلوكي

الإدمان اضطراب سلوكي

Dec 142017

اضطراب يمكن بنسمع عنه كتير و متاكدين من وجوده في المجتمعات بنسب كبيره، بيتوصف بانه مرض اجتماعي بدني نفسي.
الإدمان بشكل عام هو اضطراب سلوكي بيجبر الشخص على تكرار عاده او سلوك سيء بعيدا عن عواقب او نتايج العاده دي. بعيدا عن ربط مسمى الادمان بالمخدرات، الادمان ممكن يكون نشاط او عاده او ماده مخدرة الجسم او الشخص بيعتمد عليها عشان يبقي في حاله ذهنيه و جسديه يقظه
اسباب الإدمان ممكن تكون وراثية او بيولوجيه و الاهم من كل دا كمان اجتماعيه و نفسيه.
الشخص بينه و بين نفسه ممكن يستبعد تماما فكره الادمان بسبب الظروف الاجتماعيه او الحاله النفسيه لكن الدراسات اثبت فعلا ان العوامل دي بالذات هي من اساسيات حدوث الادمان.
في نوعين من الادمان؛ الادمان الجسدي و دا طبعا ادمان المخدرات و الكحوليات او اي مخدر بيدخل الجسم و النوع التاني هو الادمان النفسي و النوع دا غالبا ما بيكون من اعراضه الاكتئاب و الوحدة لما الشخص مش بيقدر يمارس العاده دي زي ادمان الاكل و ادمان المقامره و ادمان العلاقات.
طبعا المدمن مع الوقت بيبان عليه اعراض الادمان اللي من ضمنها العزله او الوحدة، الفوضى سواء في المظهر العام او متعلقاته الشخصيه، في بعض الحالات العنف بيكون من ضمن الاعراض، اللا مبالاه. عادة المدمن بيكون في حاله انكار و تبرير مستمر للحاله اللي بيكون وصل لها سواء مشاكل نفسيه او اجتماعيه او غيره و بيبقي على يقين انه هيقدر يوقف التعاطي او الادمان في الوقت المناسب لكن طبعا الواقع غير كدا و دي بتكون مجرد افكار بتهيأها الحاله النفسيه للمدمن لعدم الاحساس بالذنب او الخوف. 

مشــاركة

للتعليق على المقال