أسوأ الصفات اللي ممكن تنهي اي علاقة

  1. الرئيسيـة
  2. البلوج
  3. أسوأ الصفات اللي ممكن تنهي اي علاقة

أسوأ الصفات اللي ممكن تنهي اي علاقة

Dec 282017

أسوأ الصفات اللي ممكن تنهي اي علاقة.
العلاقات و الصدقات عاده بتكون مبنيه علي التشابه، كل واحد بيدور علي اللي شبهه و اللي بيقدر يلاقي فيه الصفات و السمات اللي تتماشى مع توقعاته، و مع ذلك ممكن بكل بساطه و برغم كل التشابه الموجود الا ان العلاقات تنتهي و دا لان في بعض الصفات او بمعنى اصح التصرفات اللي بتأدي لفتور و فشل اي علاقه مهما كانت.
اول حاجه؛ الاساءه او الاهانه و الكلام الجارح، خلينا متفقين ان الكلمه الطيبه صدقه، الابتسامه صدقه، و ان الشخص عفيف اللسان محبه، الكلام الجارح او المهين دليل على الضعف لكن مش دا المهم، المهم هو عواقب و نواتج الاهانه، اكيد في يوم هتكون سبب في فشل اي علاقه بين اتنين.
طبعا العنف، العنف الجسدي و بدون اي مقدمات العنف من التصرفات او العادات المميته و المهينه لاي علاقه في الدنيا.
الاهمال او عدم الاهتمام، طبعا اشهر جمله بتتقال هو ان الاهتمام مبيطلبش و لان اجمل حاجه ممكن تكون موجوده بين اتنين هو الاهتمام و الحب و الرعايه، لو الحاجات دي مكنتش موجوده مع الوقت الشخص هيبتدي يدور عليها في مكان تاني مع حد تاني و دا لان طبيعه البشر بتنجذب للشخص اللي بيسال و بيسمع و بيشارك و بقلق و يهتم بابسط تفصيل العلاقه.
الخيانه و الكذب، مفيش علاقه هتنجح طول ما هي مبنيه على اساس مش موجود، ليه الخيانه و الكذب مع بعض لان دا تابع لدا، اكيد الشخص اللي بيخون بيكذب و اكيد الشخص بيكدب عارف ان مسير العلاقه هتنتهي لان الكدب من الصفات اللي مفيش حد ممكن يختلف على مساؤها و طبعا الخيانه كانت و هتكون سبب في فشل علاقات كتير قوي.
العلاقات اساسها الاحترام و الثقه قبل الحب و الشغف. 

مشــاركة

للتعليق على المقال