اختار الشخص الصح

  1. الرئيسيـة
  2. البلوج
  3. اختار الشخص الصح

اختار الشخص الصح

00 000000

ازاي تختار الشخص اللي يقدر يساعك خلال ازماتك النفسيه؟
الضغط النفسي و التوتر من اكتر الحاجات الشائعه اللي كتير مننا بيمر بيها و بتبقى بشكل دوري و مستمر و احيانا كمان بشكل يومي، الضغط عاده بيشد في مواقف و مراحل معينه من حياه الشخص و بيكون دايما في المراحل الانتقاليه للشخص، المرحله الانتقاليه بتكون مرور الشخص من حاله لحاله مختلفه تماما، زي مثلا شغل جديد مع ناس مختلفه، طلاق او جواز، وفاه شخص عزيز، هجره كل الحاجات اللي ممكن الشخص حياته تتغير بسببها و دا لانها بتكون جديده و غير مألوفه بالنسباله حتي لو كانت نواتجها ايجابيه بس بمجرد احساس الشخص بعدم الالفه والتعود بينتج عنه الاحساس بالتوتر ا الضغط.
ابسط مواجهه الشخص ممكن يلجأ ليها في المراحل اللي زي دي هو انه يختار شخص قريب له و يعبر له عن قلقه او افكاره، بس ازا نختار الشخص اللي نقدر نشاركه افكارنا.
أسأل نفسك اربع اسئله.
السؤال الاول: هل الشخص دا متفهم تمام حج الموضوع؟
بكل بساطه احساسك بان صديقك او رفيفك متفهم حجم مشكلتك او افكارك من غير ما يتفه منها حتى لو كانت بسيطه من اهم الحاجات المريحه في الكلام، لانك بتاخد راحتك في التعبير بدون قيود او حدود و لانك مطمن من ان اللي قدامك هيحاول يوصل لاحساسك.
السؤال التاني: ثقتك في الشخص و في رأيه؟
اهم حاجه ان اختيارك للشخص يكون مبني على ثقتك في رأيه الموضوعي، مش بس يكون متفاعل لكن كمان بكون قادر علي تخفيف واقعه الحدث وان يكون رأيه موضوعي و صريح بعيدا عن اي تحيزات.
السؤال التالت: بيقدر يمدك بحلول و بدائل؟
اختيارك للشخص مش بس لانه موجود وقت ما تحتاجه بس لانه قادر انه يقترح حلول و بدائل تفيدك و تخليك تتخطى محنتك.
السؤال الرابع: ايجابي ولا سلبي؟
اهم حاجه انه يكون شخص ايجابي حتى لو كانت محنتك كبيره و كارثيه، من اهم الصفات اللي لازم تكن موجوده فيه هي الايجابيه و التفاؤل و ان مهما كانت المشكله هتتحل و تتخطاها. 

مشــاركة

للتعليق على المقال