ابسط نفسك بنفسك

  1. الرئيسيـة
  2. البلوج
  3. ابسط نفسك بنفسك

ابسط نفسك بنفسك

00 000000

اسعد نفسك بنفسك.. و كل سنة و انتو طيبيين
مش دايما السعاده بتكون في وجود شخص بتحبه و لمه اصحاب او سفريه مع الاهل احيانا حتى الحاجات الحلوه دي ممكن تكون سبب في ضغط او مشاكل.
ازاي تسعد نفسك بنفسك؟
اول حاجه، خلي نفسك فخور بنفسك؛ حدد هدف او مشروع بينك و بين نفسك تبقى عارف انه هياخد منك وقت و مجهود سواء كان بسيط او معقد لكن كرس كل وقتك و مجهودك للهدف دا و انجزة عشان تثبت لنفسك انك قد اي مسوؤليه.
انشر الايجابيه و السعادة حتى لو دا كان بانك تاخد ابنك او بنتك تخرجهم و تجبلهم كل اللي نفسهم فيه بدون اي سبب او مناسبه.
استرخي، ارمي ورا ضهرك كل الهموم و المسوؤليات لمده يوم و اعمل حاجه بتحبها مهما كانت هتكلفك ايه زي سفريه كان نفسك تسافرها او لو حتى كانت حاجه بسيطه زي انك تنام في سريرك مع كتاب كان نفسك تقراه و تخلصه في يوم.
قدرعشان تتقدر، لو حد وقف جنبك في موقف او حتى كان لطيف او خدوم اوعى تتكسف انك تعبر عن شكرك و امتنانك حتى لو عدى سنين، اوعى تنسى وقفته جنبك و كل فتره و التانيه عبرله قد ايه الموقف دا فرق في حياتك هتحس برضى و هتكسب الرضى.
كون سبب خير، اجمع اتنين بينهم خلاف و حاول تصلح بينهم، هتكبر في نظر نفسك قبل نظر الناس، او اجمع عيلتك في يوم و اعمل قعده لذيذه و قود المسيره؛ هزر و اضحك و انشر البهجه.
مش عيب انك تفصل من الدنيا و تلاقي نفسك و تبسط نفسك، احيانا وقتك مع نفسك ممكن يكون سبب في سعادتك. 

مشــاركة

للتعليق على المقال